ކޯވިޑް ޖެހިގެން މިއަދުގެ 3 ވަނަ މަރު!

ކޯވިޑް ބަލީގައި އިތުރު ދިއްވެއްސަކު ރާއްޖެއިން މިއަދު ނިޔާވެއްޖެއެވެ.

ހެލްތު ޕްރޮޓެކްޝަން އެޖެންސީ، އެޗްޕީއޭއިން ވިދާޅުވީ މިއަދު ހެނދުނު 10:53 ހާއިރު، ދަރުމަވަންތަ ހޮސްޕިޓަލުގައި ފަރުވާދެމުންދިޔަ އުމުރުން 69 އަހަރުގެ އަންހެނަކު ނިޔާވެފައިވާކަމަށެވެ. މިއީ ރާއްޖެއިން ކޯވިޑް ޖެހިގެން ނިޔާވި 154 ވަނަ މީހާއެވެ. އަދި މިއީ މިއަދު މަރުވި 3 ވަނަ މީހާއެވެ.

ކޯވިޑް ޖެހިގެން މިއަދު ނިޔާވި އަނެއް ދެ މީހުންނަކީ ރޭ 2:15 ހާއިރު ހުޅުމާލޭ މެޑިކަލް ފެސިލިޓީގައި ނިޔާވި އުމުރުން 54 އަހަރުގެ ދިވެހި ފިރިހެނަކާއި ފަތިހު 5:55ހާއިރު ނިޔާވި 47 އަހަރުގެ ދިވެހި ފިރިހެނެކެވެ.

ކޯވިޑް ޖެހިގެން ރާއްޖެއިން މިއަދު ނިޔާވި 3 މީހުންނާއެކު މިބަލީގައި މިމަހު ނިޔާވި މީހުންގެ އަދަދު ވަނީ 82 އަށް އަރާފައެވެ.

އަދި މިމަހުގެ މިހާތަނަށް 30،000 އަށްވުރެ ގިނަ މީހުން ވަނީ މިބައްޔަށް ޕޮޒިޓިވް ވެފައެވެ.

Switch to latin

ތާނަ ލެޓިން އިން ލިޔުއްވާ!