ތިން ވަނަ މީހަކު ނިޔާވެ، ނިޔާވި މީހުންގެ ޢަދަދު 97އަށް

ކޯވިޑް-19ގައި މިއަދުވެސް 3 ދިވެހިން ނިޔާވެ، ބަލީގައި ރާއްޖެއިން ނިޔާވި މީހުންގެ ޢަދަދު 97އަށް އަރައިފިއެވެ.

އެޗްޕީއޭއިން ވިދާޅުވީ މިބަލީގައި އެންމެ ފަހުން ނިޔާވީ ހުޅުމާލެ މެޑިކަލް ފެސިލިޓީގައި ފަރުވާދެމުންދިޔަ ޢުމުރުން 83 އަހަރުގެ ދިވެހި ފިރިހެނެއްކަމަށެވެ.

ކޯވިޑް-19 ބަލީގައި މިއަދު ފުރަތަމަ ނިޔާވީ ޢުމުރުން 81 އަހަރުގެ ދިވެހި ފިރިހެނެކެވެ. ހުޅުމާލޭ މެޑިކަލް ފެސިލިޓީގައި ފަރުވާދެމުން ދިޔަ އެ މިހާ ނިޔާވެފައިވަނީ ރޭ ދަންވަރު 02:38 އެހައިކަންހާއިރުއެވެ. މި ބަލީގައި ދެން މިއަދު ނިޔާވީ ޢުމުރުން 30 އަހަރުގެ ޒުވާން އަންހެނެކެވެ. މީ މިބަލީގައި ރާއްޖެއިން ނިޔާވި އެންމެ ހަގު މީހާއެވެ. މި ޒުވާނާ ނިޔާވީ ފަތިހު 04:30 އެހާކަންހާއިރުއެވެ. މި ޒުވާނާވެސް ނިޔާވީ މި ބައްޔަށް ޕޮޒިޓިވްވެ ހުޅުމާލޭ މެޑިކަލް ފެސިލިޓީގައި ފަރުވާދެމުން އަންނަނިކޮށެވެ.

Switch to latin

ތާނަ ލެޓިން އިން ލިޔުއްވާ!