ހޯޑެއްދޫން އިތުރު 2 މީހަކު ކޮވިޑަށް ޕޮޒިޓިވްވެ ޖުމަލް އަދަދު 38 އަށް

ގދ. ހޯނޑެއްދޫއިން އިތުރު ދެ މީހަކު ކޮވިޑް-19 އަށް ޕޮޒިޓިވްވެއްޖެ އެވެ. އެ މީހުންނާއެކު އެ ރަށުން ޕޮޒިޓިވްވީ މީހުންގެ އަދަދު ވަނީ 38 އަށް އަރާފައެވެ.

މާލެ ސިޓީގެ އިތުރުން ކޮވިޑްގެ ބަލި މީހުން އެންމެ ގިނައިން ތިބީ ހޯނޑެއްދޫގަ އެވެ. އެޗްޕީއޭއިން ބުނީ މިއަދުވެސް އެ ރަށުން އިތުރު ދެ މީހަކު ޕޮޒިޓިވްވެފައިވާ ކަމަަށެވެ. އެއީ ކުރިން ޕޮޒިޓިވްވި މީހުންނާ ކޮންޓެކްޓްވެފައިވާ ދެ މީހުންނެވެ. އެއީ އުމުރުން 18 އަހަރުގެ ދެ ފިރިހެނުންނެވެ.

އެޗްޕީއޭއިން ބުނީ އެ ރަށުގައި މިހާރުވެސް ކޮންޓްރެކްޓް ޓްރޭސިންގެ މަސައްކަތް ކުރިއަށް ގެންދާ ކަމަށެވެ.

މީގެ އިތުރުން އެ ރަށުން ކޮވިޑަށް ޕޮޒިޓިވްވި މީހުންގެ ތެރެއިން އުމުރުން 80 އަހަރުގެ ފިރިހެނަކާއި 64 އަހަރުގެ އަންހެނަކު ގއ. ވިލިނގިލީ ކޮވިޑް މެނޭޖްމަންޓް ފެސިލިޓީއަށް ބަދަލުކޮށް އެޑްމިޓް ކޮށްގެން ދަނީ ފަރުވާ ދެމުންނެވެ.

ހޯނޑެއްދޫއަށް ކޮވިޑް ބަލި ދިޔައީ ކިހިނެއްކަން ދެނެ ގަތުމަށް އިންވެސްޓިގޭޝަނެއް ވަނީ ފަށާފަ އެވެ. 

Switch to latin

ތާނަ ލެޓިން އިން ލިޔުއްވާ!