މިއަދު ޕޮޒިޓިވްވީ 80 މީހުން، 159 މީހުން ބަލިން ރަނގަޅު ވި

ރާއްޖެއިން މިއަދު ކޮވިޑް-19އަށް ޕޮޒިޓިވް ވެފައި ވަނީ 80 މީހުން ކަމަށާއި ވޭތުވެ ދިޔަ 24 ގަޑިއިރު ބަލިން ރަނގަޅުވެފައި ވަނީ 159 މީހުން ކަމަށް ހެލްތް ޕްރިޓެކްޝަން އެޖެންސީ (އެޗްޕީއޭ) އިން ބުނެފިއެވެ.

އެޗްޕީއޭން ބުނީ މިއަދު ކޮވިޑަށް ޕޮޒިޓިވްވި މީހުންގެ ތެރޭގައި ހިމެނެނީ ދިވެހިންނާއި 60 ބިދޭސީ 20 މީހެކެވެ.

މިއަދު ޕޮޒިޓިވްވި 80 މީހަކާއި އެކު ރާއްޖެއިން ޕޮޒިޓިވްވި މީހުންގެ ޖުމްލަ އަދަދު ވަނީ 8361 އަށް އަރާފައެވެ. މިއަދު ބަލިން ރަނގަޅުވެފައި ވަނީ 159 މީހުން ކަމަށް އެޗްޕީއޭން ބުނެއެވެ.

މިހާރު ހޮސްޕިޓަލުގައި 162 މީހަކަށް ފަރުވާ ދެމުން ދާއިރު އައިސޮލޭޝަން ފެސިލިޓީތަކުގައި 1253 މީހަކު އެބަ ތިއްބެވެ. މިހާތަނަށް އައި އިރު ރާއްޖެއިން ކޮވިޑް ބަލީގައި 29 މީހަކު ވަނީ ނިޔާވެފައެވެ.

މިވަގުތު އެކްޓިވް ކޭސްގެ ގޮތުގައި 39 ރަށަކާއި 20 ރިސޯޓެއް ވާއިރު، ރިސޯޓުތަކުން ހިމެނެނީ 17 ޓޫރިސްޓަކާއި 45 ސްޓާފުންނެވެ.

Switch to latin

ތާނަ ލެޓިން އިން ލިޔުއްވާ!