Workers wear masks at the Unilever factory where a 38-year-old working in the research and development branch fall ill with the new virus from China, in Casalpusterlengo, Northern Italy, Saturday, Feb. 22, 2020. A dozen northern Italian towns were on effective lockdown Saturday after the new virus linked to China claimed two fatalities in Italy and sickened an increasing number of people who had no direct links to the origin of the virus. (AP Photo/Luca Bruno)

ކޮވިޑް-19: އެއް ދުވަސް ތެރޭގައި އިޓަލީން 133 މަރު

މިހާރު ބާރު ދުވެލީގައި ފެތުރެމުންދާ އާ ކޮރޯނާ ވައިރަސް ޖެހިގެން އިއްޔެ އެކަނި 133 މަރުވެފައިވާ ކަމަށް އިޓަލީން ބުނެފި އެވެ.

ޗައިނާ އިން އުފަންވެގެން މިދިޔަ ޑިސެމްބަރު މަހު ފެތުރެން ފެށި ވައިރަހުގެ އަސަރު އެންމެ ބޮޑަށް ކޮށްފައިވާ އެއް ގައުމަކީ އިޓަލީ އެވެ. އެ ގައުމުގައި ވައިރަސް ޖެހުނު މީހުންގެ އަދަދު 25 ޕަސަންޓް އިތުރުވެ، 7،000 އަށް ވުރެ މައްޗަށް އަރާފައިވާއިރު، މިހާތަނަށް ޖުމްލަ 366 މީހުން ވަނީ މަރުވެފަ އެވެ.

ބަލި ޖެހުނު މީހުން ކުއްލިއަކަށް އިތުރުވެފައިވަނީ، އެ ވައިރަސް ފެތުރުން ހުއްޓުވުމަށް އިޓަލީ ސަރުކާރުން ހަރުކަށި ފިޔަވަޅުތައް އަޅަމުންދާ ދަނޑިވަޅެއްގަ އެވެ. އެގޮތުން، ލޮމްބާޑީ ސަރަހައްދުގެ އިތުރުން 14 ޕްރޮވިންސެއްގައި ދިރިއުޅޭ 16 މިލިއަން މީހުނާއެކު ވަނީ ކަރަންޓީނުކޮށްފަ އެވެ. އެ ސިޓީތަކަށް ދަތުރުކުރުން ވަރަށް ބޮޑަށް ހިފެހެއްޓިފައިވާއިރު، އެތެރެވުމާއި ނުކުތުމަށް ހާއްސަ ހުއްދައެއް ނަގަންޖެހޭ ގޮތަށް ވަނީ ހަދައިފަ އެވެ.

ބަލި ހަލުވި މިނުގައި ފެތުރެމުން ދާއިރު، އިޓަލީން މިހާރު ވަނީ ޖިމްތަކާއި، ޕަބްލިކް ސްވިމިން ޕޫލްތަކާއި، މިއުޒިއަމްތަކުގެ އިތުރުން ބައެއް ސްކީ ރިސޯޓުތައް ވެސް ބަންދުކޮށްފަ އެވެ.

އަދި އެ ލޮކްޑައުންގެ ދަށުން، ކައިވެނި ހަފްލާތަކާއި ޖަނާޒާތައްވެސް ނުބޭއްވުމަށް ސަރުކާރުން ވަނީ އަންގައިފަ އެވެ.

އަންނަ އޭޕްރީލް މަހުގެ ތިން ވަނަ ދުވަހާ ހަމައަށް އަޅާފައިވާ ފިޔަވަޅުތަކާއެކު މިލާންގެ އިތުރުން ޓޫރިސްޓުންގެ މެދުގައި މަގުބޫލު ވެނިސްވެސް ވަނީ ލޮކްޑައުންގަ އެވެ.

އެންމެ ފަހުގެ ތަފާސް ހިސާބުތަކާއެކު، ޗައިނާ އިން ބޭރުން އެންމެ ގިނަ މީހުނަށް އެ ވައިރަސް ޖެހިފައިވަނީ އިޓަލީގަ އެވެ.

Switch to latin

ތާނަ ލެޓިން އިން ލިޔުއްވާ!