މުހިއްމު މަސައްކަތްތަކެއް ކުރުމަށް އައްޑޫ ސިޓީން މާދަމާ 7 ގަޑިއިރަށް ކަރަންޓް ކަނޑާލަން ނިންމައިފިއެވެ.
ފެނަކަ ކޯޕަރޭޝަނުން އައްޑޫގެ ގެތަކަށް ފޮނުވި ނޯޓިސްގައި ބުނެފައިވަނީ ކަރަންޓު ކެނޑުމަށް ހަމަޖެހިފައިވަނީ އައްޑޫގެ ކަރަންޓުގެ ހާލަތު ރަނގަޅު ކުރުމަށް ގުޅިފައިވާ ރަށްރަށަށް ކަރަންޓު ދެމުންގެންދާ ސެންޓްރަލް ޕަވަރހައުސްގެ ޕެނަލް އަޕްގްރޭޑް ކުރުމަށާއި އަދި އަލަށް ގެނައި ދެ އިންޖީނު ކަރަންޓުވިއުގަށް ގުޅުމުގެ މަސައްކަތް ކުރުމަށްޓަކާ ކަމަށެވެ.
އަދި ކަރަންޓު ކެނޑޭނެ ކަމަށް ބުނެފައި ވަނީ މާދަމާގެ ހެނދުނު 9:00 އިން ހަވީރު 4:00 އާއި ހަމައަށް ކަމަށް ފެނަކަ އިން ބުނެފައެވެ.
Addu City ge karantuge haalathu rangalhukurumah, gulhifaivaa rahrashah karantu dhemungendhaa injeenuge (central powerhouse) ge upgrade masahkathah, panel upgrade kurumashaai alai genai 2 injeenu karantu network ah gulhumuge masahkaiy kurumah 7 March 2020 (1/3) pic.twitter.com/OYcGzEiefs
— Fenaka Corporation Ltd (@TeamFenaka) March 6, 2020
މަސައްކަތް ކުރުމަށް ކަރަންޓް ކަނޑާލާފައި އޮންނަ ވަގުތުގައި ދިމާވެދާނެ ދަތިތަކަށް މާފަށް އެދޭ ކަމަށް ވެސް އެ އިއުލާންގައި ވަނީ ބުނެފައިއެވެ.