ފޮޓޯ: މިހާރު

މުޒާހަރާ އިން ފުލުހުންގެ ބަންދަށް ގެންދިޔަ 2 މީހަކު ފިޔަވައި އެންމެން ދޫކޮށްލައިފި

މަނީލޯންޑްރިންގެ ކުށް ސާބިތުވެ ހުކުމް ތަންފީޒް ކުރަމުންދާ ކުރީގެ ރައީސް އަބްދުﷲ ޔާމިން އަބްދުލް ގައްޔޫމް މިނިވަންކުރުމަށް ގޮވާލާ ރޭ ކުރިއަށް ގެންދިޔަ އިހްތިޖާޖުގެ ތެރެއިން ފުލުހުންގެ ބެލުމުގެ ދަށަށް ގެންދިޔަ ހަތް މީހުންގެ ތެރެއިން ދެ މީހަކު ފިޔަވައި ބާކީ ތިބި މީހުން ދޫކޮށްލާފައިވާކަމަށް ފުލުހުން ބުނެފި އެވެ.

ފުލުހުންގެ މީޑިއާ އޮފިޝަލް ވިދާޅުވ އޭގެ ތެރެއިން ދެ މީހަކު ފިޔަވައި އެހެން އެންމެން ދޫކޮށްލާފައިވާ ކަމަށެވެ. ހައްޔަރުކޮށްފައިތިބި ދެ މީހުންގެ ބަންދުގެ މުއްދަތު އިތުރުކުރުމަށް އަދި ނުގެންދާ ކަމަށް ވެސް މީޑިއާ އޮފިޝަލް ވިދާޅުވި އެވެ.

ފުލުހުންގެ ބަންދުގައި 24 ގަޑިއިރަށްވުރެ ގިނަ އިރު ބޭތިއްބޭނީ ކޯޓު އަމުރެއްގެ ދަށުންނެވެ. މިފަހުން މުޒާހަރާއަކުން ފުލުހުންގެ ބެލުމުގެ ދަށަށް ގެންދިޔަ އެއްވެސް މީހަކު 24 ގަޑިއިރަށް ވުރެ އިތުރަށް ބަންދުގައި ބަހައްޓާފައެއްނުވެ އެވެ.

ޔާމީންގެ މައްޗަށް ދައުލަތުން ކުރި މަނީ ލޯންޑްރިންގެ ދައުވާ ސާބިތުވެ، އެމަނިކުފާނު ފަސް އަހަރަށް ޖަލަށްލުމާ އެކު ފަސް މިލިއަން ޑޮލަރުން ވަނީ ޖޫރިމަނާކޮށްފަ އެވެ. އެ ހުކުމާ އެކު، އެމަނިކުފާނު މާފުށީ ޖަލަށް މިހާރު ގެންގޮސްފައިވާއިރު، އެ މައްސަލަ އިސްތިއުނާފް ކުރުމުގެ މަސައްކަތް އަންނަނީ ކުރަމުންނެވެ.


Switch to latin

ތާނަ ލެޓިން އިން ލިޔުއްވާ!